تعاتبني ليه احبك ..؟؟؟؟؟

تعاتبني ليه احبك وليه قلبي نبض بأسمك ...
قلبي ماجبرته يحبك بس هو حس بصدقك ...
حس بوجودك حس بأعجابك حس بودك ...
للاسف كان ردك ...
مجرد احساس كاذب ...
تحاول تكذب صدق احساسي ...
لو تبي بعيوني تبيني اقسمك ...
بس للاسف وشراح يفيدني ويفيدك ...
أني اكون صادقه بحبك وقلبك ميت احساسه ...
ترد وتقولي انسي لاني مااحبك ...
ماتحبني ؟؟؟
ليه تخدعني بحكي واوهام ...
ليه تبني لي امل واحلام ....
ليه تحكي لي انك المشتاق ...
واني من كثر شوقي ابد ماانام ...
للاسف لعبت وعرفت تختار ...
اخترت انسان في هالدنيا صادق ...
يحبك ومايطلب أكثر ...
يدعي ربه انه يحفظك ويقربك من روحه أكثر ...
كانت هاذي جزاته ...
تمشي وتدوس على احساسه ...
يبجي وتقوله امسح ادموعك عسى ماجرحتك بس ...
صدقني قلبه يبجي عليك أكثر وأكثر ...
دموعه خلاص بيمسحهم ...
بس دموع قلبه اشلون يمسحهم ...
لا تقولي انسي ...
اشلون ابنسى وانا ميته فيك ...
أشلون بصحى من حلم عيشتني فيه ...
ودي ابعد ودي اهرب ...
بس واشلون ...
مشكلتي متعلقه فيك ...
وانت قلبك بايع احساسه ...
صدقني ماودي اذم فيك ...
بس للاسف صدمتني فيك ...
عرفت تختار انسانه صادقه وعلى النيه ...
ماعرفت ألعب لعبتك...
ماتعلمت طريق الكذب والخداع ...
كنت صادقه معاك من الاول ...
بس صدقني انت الخسران ...
لو باجر لفت الدنيا فيك ...
بتقول يوووه ياريتني ماخسرتها ...
ياليتني كملت معاها ...
حتى لو قلبي ماحبها يكفي انها ملتني بحبها ...
ابد ماهو غرور مني ...
على قد ماقلبي حزين وبالهم منك مليان ...
بظل احبك ...
وبستمر بحبك ....
مو علشانك لانك ناكر هالحب من زمان ...
بس علشان ماتخرب صورتك بقلبي الحيران ...
لاني بنيت لك بقلبي باحلى عنوان ...
صدقني مسامتحك على النكران ...
بس قلبي للاسف عليك عتبان ...
وحبي بحتفظ فيه بس بقلبي الولهان ...
ماابي اجرحك وماابي ازعلك ...
لاني ماتعودت اجرح ...
وقلبي هو الدايم الخسران ...
على قد ماانجرح منك ...
يبيك ويشتاقك لك ...
سامحتك وحاجيتك ...
واتفقنا للفراق ماله بيننا مكان ...
بالاخير اتفقنا نكون مجرد اصحاب ...
نحاول ننسى الموضوع ...
وقلبي ماظنتي بينسى ...
لاني مازلت وبظل احبك ...
ودمعتي صدقني تحرقني أكثر ...
من كومه خشب تحترق تدفيني ...
بتقولي الزمن ينسي والزمن يدواي ...
بقولك لو ان الزمن يداوي وينسي ...
كان ماشفت الذكرى ...
تبجي قلب متذكرها ...